မန်ချက်စတာယူနိုက်တက်အသင်းရဲ့အဓိကအလေးပေးပစ်မှတ်တစ်ဉီးဖြစ်တဲ့ ရီးရဲလ်မက်ထရစ်အသင်းရဲ့နောက်ခံကစားသမား ဗာရန်းကတော့ မန်ယူအသင်းနဲ့ ချိတ်ဆက်မှုတွေအတော်လေးနီးစပ်နေတယ်လို့သိရသလို မန်ယူအသင်းဘက်နေလည်း ပယ်ချခံရတဲ့ကမ်းလှမ်းမှုတွေထက် တိုးမြင့်တဲ့နှုန်းနဲ့ ရယူဖို့လုပ်ဆောင်နေပြီဖြစ်ပါတယ်။
 
ကစားသမားဗာရန်းကိုယ်တိုင်ကလည်း ရီးရဲမက်ထရစ်အသင်းရဲ့ကနဉီး အသင်းခေါင်းဆောင်နေရာနဲ့ စာချုပ်ချုပ်ဖို့ကမ်းလှမ်းခဲ့တာကို ငြင်းဆန်ထားခဲ့ပြီးတော့ ပရီးမီးယားလိဂ်ကလပ်အသင်းမှာ ကစားချင်ကြောင်း ပြောဆိုထားခဲ့ပေမယ့်လည်း ခုချိန်ထိရီးရဲလ်မက်ထရစ်အသင်းဘက်ကနေ ထွက်ခွာခွင့်ပြုမယ့် အရိပ်အယောင်မရှိနေတာကိုတွေ့ပါတယ်။
 
ဒါ့အပြင် ရီးရဲလ်မက်ထရစ်အသင်းနဲ့စာချုပ်သက်တမ်း (၁)ရာသီကျန်နေသေးတဲ့ဗာရန်းဟာ ပြောင်းရွှေ့ချင်နေပေမယ့်လည်း ရီးရဲမက်ထရစ်အသင်းကို အတင်းအကြပ်ဖိအားပေးသွားဖွယ်မရှိဘူးလို့ အပြောင်းအရွှေ့ဂုရုကြီးဖာဘရီဇီယိုရိုမာနိုကဖော်ပြသွားတဲ့အတွက် အကယ်လို့သာ ရီးရဲလ်အနေနဲ့ စာချုပ်ထဲမှာကျန်ရှိနေတဲ့ (၁)ရာသီကို ဆက်လက်ထိန်းထားနေဉီးမယ်ဆိုရင်တော့ မန်ယူအသင်းအနေနဲ့ကတော့ အဓိကပစ်မှတ်ကိုဆုံးရှုံးရတော့မှာပါ။